సివిల్స్ తెలుగు రాసే భాషా విధానం

 

-డా. జాడ సీతాపతి రావు, సహాయకాచార్యులు,

రాజీవ్ గాంధీ వైజ్ఞానిక సాంకేతిక విశ్వవిద్యాలయం,

నూజివీడు ప్రాంగణం, ఏలూరు జిల్లా, ఆంధ్రప్రదేశ్.

విద్యుల్లేఖ: seethuphd@gmail.com

సంచారవాణి: 9951171299

 

 యు. పి. యస్.సీ సివిల్స్ మెయిన్స్ లో  ఐచ్ఛిక అంశంలో  తెలుగు లో రాసేటపుడు కాలాన్ని తగ్గించేలా రాసేవిధానం. సంక్షిప్త రచన విధానం- వేగ౦గా రాసే పద్ధతిలో సమాధానాలకు సహకారి. ఈ క్రింది రకంగా రాసినపుడు సమయం ఆదా అవుతుంది. వ్యవహారిక భాషకూడా.  కొన్ని ఉదా. కు చూడండి. సాధన చేయండి. విజయోస్తు...

క్ర.  సంఖ్య	పెద్ద పదం	సంక్షిప్త పదం/ వివరణ
1	ఉదాహరణకు	ఉదా: / మచ్చుకు
2	చేయుచున్నాడు	చేస్తున్నాడు
3	ము ఉన్న చోట్ల ౦ ని రాయడం	రామాయణము- రామాయణం; భాగవతము- భాగవతం మొ.
4	మొదలైనవి, సంవత్సరములో.	మొ.వి./ ఇత్యాది; సం.లో
5	గ్రహించబడింది	గ్రహించారు
6	తీసుకొనబడింది	తీసుకున్నారు.
7	మరియు, యొక్క, బడు లాంటివి వాడకుండా ఉంటే మంచింది.	మరియు బదులు కామా(,) వాడాలి.
8	పద్యం కోడ్ చేయాల్సినపుడు	మొదటి రెండు మూడు పదాలు; చివరి రెండు మూడు పదాలు మధ్యలో ..... చుక్కలు పెట్టి రాయాలి. వివరణ వాక్యాల్లో ఇవ్వాలి
9	Repeat గా వచ్చే పదాల సందర్భంలో	చివరిలో ఒకసారే ఆ రిపీట్ అయిన పదాన్ని ఉంచి మిగతా చోట్ల తీసేస్తే అర్థంలో మార్పు లేనపుడు తీసేయాలి.
10	పాయింట్ లలో రాసేటపుడు	సాధ్యమైనంత తక్కువ క్రియా పదాల్ని వాడాలి. రిపీట్ లేకుండా చూసుకుంటే మంచిది. పరిశోధన విధానమైన 1.1; 1.2; 1.3; లా రాయాలి.
11	భేదాలు, సామ్యాలు రాసే సందర్భంలో	పైన శీర్షిక ఉంటుంది. కాబట్టి మళ్ళీ రిపీట్ చేయరాదు.
12	వరుస సంఖ్యలు రాసే సందర్భంలో	క్రీశ 1500 నుంచి/ నుండి 1600 వరకు అనే చోట 1500-1600 అని రాయడం మంచిది.
13	గ్రాంధిక భాషా సందర్భంలో	ఉదాహరణలు ఇచ్చే సందర్భంలో తప్ప, మిగిలిన చోట వ్యవహారిక లేదా మాట్లాడేలా భాషను వాడాలి.
14	ఒకే సమాచారం ఉన్న సందర్భంలో	దాన్ని ఒక ఉపశీర్షిక(sub- heading) లోకి తెచ్చి రాయాలి.
15	కొటేషన్స్ వాడే చోట	పూర్తిగా ఆ అంశాన్ని యథాతథంగా తీసుకుంటే డబల్ కొటేషన్("...") లో రాయాలి. దానివల్ల సమయం వృధా అవుతుంది అనుకుంటే దాన్ని సింగిల్ కొటేషన్('...') లో పెట్టి ఆ భావాన్ని రాయాలి.
16	ఒకే నామ వాచకం పునరుక్తి అవుతున్న చోట	సాధ్యమైనంత వరకు మొదట ఆ నామ వాచకం వాడి, మిగతా చోట్ల సర్వనామాలు వాడాలి.
17	టేబుల్ ఫామెట్ రాసేటపుడు	రెండు/ ఇద్దరికీ ఉన్న అంశాలను ఒకే సీరియల్ నెంబర్ లో తెల్పాలి. మొదట క్రియాపద౦ వాడితే రెండో చోట అవసరం లేకపోతే మానేయాలి.
18	ఒకే పదాన్ని రాయాల్సినపుడు	దాని పర్యాయ పదాలలో చిన్ని పదాలను ఎంపిక చేసుకోవడం మంచిది.
19	వంటి, కావున, అందుచేత, మరి, లాంటి పదాలు ఊత పదాలు	సాధ్యమైనంత తక్కువ వాడితే మంచిది. వీటిని కొన్ని సార్లు వాక్యాల్ని కలపడానికి వాడొచ్చు.
20	పదాలు తప్పొప్పులు ఎలా తెలుస్తాయి.	ఏ తప్పు వస్తుందో ప్రాక్టీస్ టెస్ట్ లలో తెలుసుకొని ఇంపోజిషన్ 10 సార్లు రాసి సరిచేసుకోవాలి. ఉదా: భేదం (ధ వత్తు పెట్టినా, భ కి వత్తు తీసేసినా తప్పే)
21	జరుగుతుంది. జరుగుతాయి. జరుగుద్ది, జరగ బట్టి ఇలాంటివి జరుగుడు వాక్యాలు	వీటిని సాధ్యమైనంత తగ్గించాలి. లేకుండా రాయాలి.
22.	మాండలిక భాషలో రాయొచ్చా?	సాధ్యమైనంత శిష్ట వ్యవహారికాన్ని వాడాలి. కేవలం మండలికం చెప్పెటపుడు మాండలిక పదాలు వాడాలి.
23	ఆంగ్ల పదాలు వాడొచ్చా?	ఒకవేళ మీకు ఆంగ్ల పదానికి తెలుగు పదం గుర్తుకు రాకపోతే దాని స్క్రిప్ట్ తెలుగు ఉచ్ఛారణ లోకి మార్చి రాయడం మంచిది.
24	సంభాషణలు రాసేటపుడు	మొదటిలో వ్యక్తి పేర్లు రాసి తర్వాత అతడు ఆమె అని రాయాలి.
25	ప్రభావములు, వినోదములు మొ. చోట్ల	ప్రభావాలు, వినోదాలు (ము లేకుండా దీర్ఘం వల్ల అదే అర్థం వస్తుంది) మొ. పదాలు వాడుకోవాలి.
26	వున్నాయి, వున్న లాంటి వు కారంత పదాల్ని రాయాల్సి వస్తే	తెలుగులో పదం మొదట వు, వూ, వో, వో లు లేవు. అలాంటి చోట అచ్చు ఉ రాయడం.
27	ప్రధానమైనది	ప్రధానమైంది
28	అవుతుంది.	ఔతుంది. అవు స్థానంలో ఔ, అయిన స్థానంలో ఐ వాడడం వల్ల అక్షరాలు తగ్గుతాయి. అర్థంలో తేడా లేదు.
29	పడవలసి	పడాల్సి
30	ఉన్నాయి, సాగుతుంటాయి, ఉంటాయి  లాంటివి	ఉన్నై, సాగుతుంటై. ఉంటై..
31	ఉండవచ్చు	ఉండొచ్చు